Enjoy My Poems in Arabic
ما أحلاه ثوبك المخملي
ما أحلاه ثوبك المخمليّ منسدلاً على عودك الممشوق
يمزقني إربًا إربًا
ما أبهجه ضوء القمر لامعًا بعينيك الشجيتين
يفرقني كلاً وطرًّا
ما أهيجها خصلات شعرك مضطربة
تصارع الهواء كرًّا وفرًّا
ما أرقها نسيمات زفيرك
تداعب وجهي جهرًا وسرًّا
ما أجملك منحصرة منكسرة بين يدِ وحشيتي
مفتونةً سِحْرًا
ما أبهاك على عرش قلبي الذي لم يهتز قبلك قبلاً
اتركيني غريقًا في خضم حُسنِك الفتاك ولا تنقذيني
فقد حظيت بمعرفتك حظًّا
3/12/2012
سيب نفسك للظروف
إنسى كل هم وخوف
احبس نَفَسَك وقت الكتمة
غمض عينك وقت الضلمة
كده كده مش هاتشوف
إنسى الجرح والملامة
قابل النكتة بالابتسامة
قابل الود بكل محبة
واحزن وقت الحزن حبة
واوعى في يوم تحني الهامة
انسى كلام الناس وعيش
سافر طابا أو العريش
حب نفسك قوي
عيش لنفسك قوي
الفرحة بعينك ماتختفيش
اوعى تفكر في الفلوس
اللي يفكر فيها منحوس
يعيش حيران وقلقان
يصحى م النوم نعسان
صبحه وليليه يكون موكوس
في الكارثة تجاهل الهم
اضربها صرمة ولا تهتم
ده الهم يعلم البكى
ومنا الهم اشتكى
وحفظنا كتبه صم
تجاهل الكل وكون نفسك
حرر م القيد زفير نَفَسك
اسمع نبض القلب
اصنع جسر الحب
إنسى ماضيك ويأسك
سيب نفسك للفرصة تفوت
قابل الصدمة بكل سكوت
لحظات الفرح محدودة
العمر دقايق معدودة
سيب نفسك ... كده كده هاتموت
3/9/2009
كُنْتِ حُلْمًا يُدَاعِبُ خَاطِرِي
تَوَجَّهَ إِلَيْهِ قَلْبِي وَنَاظِرِي
ظَنَنْتُكِ رُؤْيَةً أَوْ وَهْمًا
أَوْ كَسَرَابٍ .. كَحُلْمٍ عَابِرِ
حَتَّى صِرْتِ أَمَامِي حَقِيقَة
وَاِتَّقَدَ حُبُّكِ كَالْحَرِيقَة
فَصِرْتِ طَيْفًا بِكُلِّ اللَّيَالِي
يَزُورُ خَيَالِي بِكُلِّ دَقِيقَة
صِرْتِ طِيبًا أَطَابَ حَيَاتِي
ظَنَنْتُكِ الْمَاضِي أَنْتِ وَالآتِي
عَثَرْتُ عَلَى حُلْمِي الْمُتَجَسِّدِ
وَجَدْتُهَا ! .. لِتُشَارِكَنِي آهَاتِي
بِتِّ فِي كُلِّ صُبْحٌ لِي وَرْدَتِي
أَشْتَمُّ الرَّحِيقَ فَيُزِيدُ قُوَّتِي
أَحْفَظُهَا يَوْمِيًّا فِي مُخَيِّلَتِي
فَتَشْحِنُ قُدْرَتِي وَتُنَمِّي طَاقَتِي
وَنَسِيتُ الأَسْوَارَ الَّتِي بَيْنَنَا
تَحُول
تَذَكَّرْتُ – فَقَط – اِبْتِسَامَتَكِ
وَالْقَبُول
تَذَكَّرْتُ اِبْتِسَامَةً تَطِيحُ بِكُلِّ
الْعُقُول
تَذَكَّرْتُ جَمَالاً يُشِيعُ
الذُّهُول
فُوجِئْتُ بِوَرْدَتِي تَبْغِي
الرَّحِيل
شَعُرْتُ بِأَنَّةٍ فِي قَلْبِي
الْعَلِيل
شَعُرْتُ فِي قَلْبِي بِحِمْلٍ
ثَقِيل
وَقُلْتُ يَا قَلْبِي!! لاَ تَلْبَثْ
هَزِيلاً
كَانَ يَا قَلْبِي حُلْمًا
جَمِيلاً
6/10/2010
كيـــــــف أعيش إنسانًا في مكان تبغضه البهائم؟
ولمن أشكو حالي وأنا محصور بين طاغية وظالم؟
إنـــــــــي غريق في مكب نفايات وغوط غوغائيات
فكيـــــــــــف أتطهر من وحلي وسيل الوحل دائم؟
تارة أناضل وتارة أماطل ولست بنزينًا على النيران
وحين أحـــــفز رفقائي أتهم بتحريض زمرة الجرذان
وتنغز مطواة القهر في قلبي المسكين فأنهك كالكلاب
وتختبئ الجرذان في جحورها وأترك وحيدًا للهـوان
من أين آتي الصبر وسط دقائق لا تهون؟
وثواني المرح تغتصبها ساعات الشجون
وتنجب منها رضعًا ترتشف من حلماتها السموم
وليس ترياق من جذر السم إلى الغصون
أيـــــــــــــــــــن لي الجلوس وسط بقاع الخرى؟
ولمن أتمتم في أجواء عافت عن محياها الورى؟
فــــــــــــــــــــــــــي بيئة قحطاء ووحشة شمطاء
لســــــــــــــــــــــت أجد من سهام الوضاعة ذرى
أأنت هناك ترقب وتلاحظ؟
بين لحظة ولحظة لا تلمحك اللاحظة .. فيالكفري وإلحادي
أترى بطش الطغاة؟
أترى عدوان العتاة والقوانين الباطلة؟ .. لست أراك تدري فيالجرمي وإفسادي!
يا ساكت أنت تكلم!
أنا مناجيك أتألم!
وتحتضن مؤخرتي خازوقًا..!
كلما أتظلم!
غوط: منحدر
ماطل: أجل، أخر
الورى: البشر، الخلق
ذرى: ملجأ
اللاحظة: العين
14/7/2012
بين يدي أنتِ وعني بعيدة
ظللت أدفئ صدري طويلا
لتمضي فيه دهورًا سعيدة
لتكوني لي عن قلبي بديلا
لما لا تأتي الأقدار يومًا على هوانا
لما لا تأتي الرياح بما تشتهي السفن
لما لا تلبس السعــادة دنيانــا
فنسكن العشق ويحلو لنا السكــن
أحلام اليقظة سجن نقطنه مكبَّلَيْن
إذا حاولنا الخروج نجد سياط الحارسَيْن
تنقش ظهورنا بضفائرها المخلبية
فتنزع أكثر من اللحم مشاعرنا القلبية
ألا تصغرين بضع سنوات فنجترأُ؟
فحبي لهيب يذيب السنـــــون
ويملأ كأس الدفء .. ألا نجترعُ؟
الحب أقوى من الأيام فاتنتي
الحب في نيران الأرض جنة
وقلبي رحم والحب الأجنة
ولو قالوا إنني ذو جَـنَّة
فلو أن الجنونَ جنونٌ .. فإني أَجَنَّ
8/7/2011
أَجِدُكِ فِي كُلِّ الْمَحَطَّاتِ وَفَوْقَ كُلِّ سَلاَلِمَ
أَرَاكِ وَقْتَ الصَّحْوَةِ وَوَقْتَ الْمَنَامِ
أَلْقَاكِ فِي الْيَقَظَةِ إِذَا كُنْتُ حَالِمَا
وَإِذَا مَا نِمْتُ تَزُورِينِي فِي الأَحْلاَمِ
صَوْتُكِ الذَّلِيلُ لاَ يُفَارِقُ أُذُنِي وَالنَّحِيبُ
وَلاَ تُبَارِحُنِي أَنَّاتُ تَأَوُّهِكِ الْمُرِيبُ
وَطِفْلُكِ النَّحِيلُ الْعَلِيلُ الْمَذْلُولُ الْمَحْمُولُ
لاَ يَجْلُو ذِهْنِي مَرْأَى مَنْظَرِهِ الْكَئِيبُ
تُعَلِّلِينَ ضَجَّتَكِ بِكَذِبَاتٍ مَشْبُوهَاتِ
تَحْتَرِفِينَ تَزْوِيرَ بُؤْسِ الْكَلِمَاتِ
تَمْتَهِنِينِي وَتَمْتَهِنِينَ التَّسَوِّلَ وَالشِّحَاذَةَ
تُلاَعِبِينَ أَوْتَارَ مَشَاعِرِي بِعُذْبَى النَّظَرَاتِ
أَيَّتُهَا الشَّحَّاذَةُ سَئِمْتُكِ وَالإِلْحَاح
لاَ أُرِيدُ مِنْدِيلاً وَلاَ نَعْنَاعًا وَلاَ حَتِّى تِفَّاح
قَدْ صِرْتِ مِثْلَ ضَمِيرِي مُلاَزِمَةً وَمُقْرِفَةً
لَكِنَّ – يَا مَحْبُوبَةُ – ظَنَّكِ قَدْ خَابَ حِينَ سَاح
فَأَنَا لاَ أُصْدِقُ قِصَّةَ ....الأَنْبُوبَةِ وَالسَّرَطَانِ وَالطِّفْلِ الْيَتِيمِ وَالسِّفَاح
17/3/2011
يا أب خارج بره دارك
صاحي تصبح على جارك
وتدعي ربك في مشوارك
وتستعين ع الشقا بالله
الاصطباحة فطار الفول
والبصل خلاك مذهول
وتحبس بقى بأزمة مرور
يفوق تركيزك والانتباه
الشمس تحرق تصب العرق
دماغك سخن والشعر اتحرق
العين مبحلق والمخ اتفلق
موجوع يا عيني وماتقولش آه
توصل لشغلك لعذاب مديرك
تلاقي رشوة تحكم ضميرك
وترجع تطاطي لفقرك ونيرك
وتكتم في نفسك وتتحمل
تمن ساعات وسط الإهانة
لأجل قروش دايق مهانة
تعمل ايه والبت عيانة
اسعى يا عبد وربك يكمل
ترجع يا عيني وتوصل لبيتك
تلقى حماتك تبرطع في غيطك
وبكلامها خلاص هاريتك
وتلقى الوش عليك متحول
ترجع للأوضتين وصالة
والبيجامة دي في الغسالة
أما الكهربا حالتها محالة
عقلك ده هيس خلاص وجن
نفسك في خلوة مع المدام
اصحى يا والدي م الأحلام
مش قدام البنت حرام
احتمل يا أبويا واوعى تِإِنّ
زعيق مذاكرة ودوشة عيل
انسى مشاغلك يالا وقَــــــيّــــل
وياخوفي لا تصحى الفجر مصهلل
لحلالك يا عيني ترجع تحن
هاتصحى الصبح تعيد القارة
ويوم روتيني زي كل مرة
إزاي هاتنتج يا أب يا مصري
إزاي تتثقف وتبقى عصري
إزاي هاتربي عيالك كويس
وإنت بترجع دايمًا متيس
إزاي تكون قدوة ومثال
وانت غلبك يفوق الاحتمال
إزاي تكون رب لأسرة
وإنت الأسرة جابت لك حسرة
طول ما انت مصري انسى الأبوة
نفض لنفسك وعيش فتوة
أنتخ في شغلك وبلطج كمان
دي مصر أمك رايدة الحنان
تحب تداديك تحب الركود
تحبك دايمًا في حالة قعود
فاكر أبوك أيام زمان؟؟؟
انسى أبوك وانسى اللي كان
انسى أبوك ده عهد غابر
عايز أبوك روح المقابر
11/2/2010
لو شاطر ومعاك كذا حرفة
تلقى الناس تضرب تعظيم
ويعاملوك بكياسة وخفة
ويقولوا دا فهيم وعليم
لو تعرف تِظهر في مواهبك
تلقى الكل يقول فنان
فتنفخ صدرك ويا حواجبك
وتبقى إله مش إنسان
لو بارع في فنون وعلوم
تلقى التصقيف جاب آخره
تلقى الكل عليك ملموم
وتبقى مثال الكل وفخره
لو شطور تعزف مزيكا
تلقى عبادة من جماهيرك
تلاعبهم ع الراست وسيكا
وِتِعجرف ف النظرة لغيرك
إن كنت مثقف بلغات
تلقى نظرات التقدير
تلبس نضارة الثقافات
وتنظر للجهلة بتحقير
أما يا سيدي لو كنت بسيط
تلقى الكل يقول "مين ده؟"
تلقى معاملة زبالة وشخيط
تلقى الكل يقول لك "صَه!"
لو ما بتعرف تعمل حاجة
تلقى تجاهل كل الناس
تتعامل وكأنك ولا حاجة
وتكون واحد م الأنجاس
لو متواضع أو غلبان
تلقى جالك أمر إزالة
مايساعك في الدنيا مكان
والتعامل يبقى زبالة
ولا حد يحبك لمبادئك
ولا حد يحبك بني آدم
ولا يفرق مع حد كلامك
وتلقى الكل كلامه ليك صادم
الكل يقدَّر أفعالك
ولا واحد بيشوف الجوهر
يتباطؤا في تفهم حالك
وبيهتموا قوام بالمظهر
بتعرف تعمل ايه؟؟ ...... تتحب
مابتعرفش ......؟
امشي يا كلب!
13/5/2010
يا شرطة بلادي تعظيم سلام
يا سبب المرارة وكل الآلام
يا واكلين حقوقنا وناهبين عرقنا
والظلم خصلة في طبعكم
يا سلطة بلادي ليكي التحية
يا حاطة في جيبك شقى الولية
يا ناهبة يا قاسية والشعب ناسية
و ولايفرق عندك ظلمهم
يا حسني .. مربع بقالك سنين
والشعب مسقي ذل وأنين
أنت أبونا وأمنا إنت بلانا وغمنا
ويوماتي على إيدك نبوس
يا غالي مأنتخ .. منطور حقنا
وسارق الفرحة من حضننا
وخاطف الفرخة من بقنا
إحنا بلونة وإنت الدبوس
يا شعب مكمل نوم في العسل
مضارعك وحاضرك بريحة بصل
والفرح من بحرك اتنشل
نايم قايم شقيان متعوس
جالنا تسمم منك يا حكومتنا
يا هارية قفانا وخاربة بيتنا
وياشرطة يا مضيعة كرامتنا
عندنا إسهال وإنتو اللبوس
يا شعب بتحتضر في سرير جهلك
وطالع دينك وعين أهلك
ولا باقي فيك شيء يهلك
في مستنقع الامتهان عوم وغوص
بس هاقول إيه يا أحباب
إحنا اللي عملنا كده في نفسنا
وخلينا شوية حوش وكلاب
يفطروا وينهشوا في لحمنا
أنا باتعامل كالحيوان
أنا مش حاسس أنا إنسان
وده شيء حازنني
طول ما إحنا ساكتين
هايزيد عدد النهابين
ويزيد الظلم اللي ظالمني
ويزيد الألم اللي آلمني
ومش هايكون فيكي يا بلدي فلاح
أو ييجي لحظة تدوقي طعم النجاح
وده وعد مني
16/11/2009
رحت المعاشات أنا دمي فار
وكأني دخلت برجلي النار
عواجيز بتصَرَّخ بتهاتي
منهم كوم قرَّب ينهار
لقيت الناس قُمَم طوابير
م الدور العلوي لحد البير
ناس بتموت بإيديها عكاكيز
ولا في نظام ولا في تدبير
اللي قلبه عايز استشارة
واللي جاية له المرارة
واللي عنده كحة ناشفة
واللي بيعاني م الحرارة
ليه المرضى مايتعالجوش
ليه تعاملوهم حلَّق حوش
هم معيز ولا تيران؟؟
ولا يعني مايستاهلوش
الدكاترة مش دكاترة .. دول تيران
والموظفين وحوش .. آكلة للإنسان
والعواجيز ضحايا .. وجبات سريعة
وظُلم الرُيسا .. عليهم بان
وإنت مش رايح لأي حد
دي يا باشا الحكومة
مافيش مفر ولا أي بُدّ
أصلها مش قَلْبَة قُومَة
فلازم تنسى حاضرك والماضي
دي الحكومة عايزة يوم فاضي
عايزة يومك يكون مُطَوَّل
تطلع تحجز م الدور الأول
والإدارة في الدور الرابع
وم التاني تشتري الطابع
والتالت فيه ختم الدولة
يالا ادفع من غير مُزاولة
والدمغة دي عند الساعي
أبو قرش خلاه بتلاته
إنزل غلف! إطبع! إنسخ
دي الماكنة جنب البياعة
وآهي فاتت ساعة
وارجع هنا يا عجوز من تاني
وتعالى استنى في دورك
واوعاني في لحظة ألقاك
واقف مرة برة طابورك
هاديك في زورك
وأما تخش للدكتور
وأما يحين وقت الكشف
ابقى شوفه يا عم بحاجة
ده بيدعي من قلبه تخف
لا تاخد كفّ
وفي الختام وفي النهاية
خد دواك م الأجزاخانة
نص الدوا مش متوفر
ارضىَ! وماتقولشي آه يانا
يا ابن العيَّانة
التأمين بقى تدمير
والمعاشات بقت عذابات
والوعود الفارغة يا وزرا
وياكم ع الكرسي تبات
24/1/2010